ЕУ го oтфрла aнглиcкиoт јазик

Брегзит со тешки последици за Англија. Англискиот јазик ќе биде исклучен од службена употреба во ЕУ. На тоа инсистира политичката елита на претседателот Макрон. Франција планира да го искористи своето претседателство на Европскиот совет за укинување на англискиот јазик од состаноците на Унијата.

Кога Франција ќе го преземе претседателството, француските дипломати состаноците и работните групи ќе ги тераат на француски, забелешките главно ќе бидат запишувани на француски, и не секогаш ќе биде обезбеден превод.

Франција исто така ќе одвои повеќе финансии за бесплатни часови по француски за сите дипломати кои сакаат да го научат јазикот. Францускиот е еден од трите работни јазици на Унијата, покрај англиски и германски, и еден од 24-те официјални јазици.

Јазикот беше доминантен во дипломатските кругови на ЕУ во Брисел, меѓутоа по проширувањето на Унијата кон истокот во 2004, неговата употреба забележа пад. На сметка на францускиот, се зголеми употребата на англискиот јазик главно заради новодојдените дипломати од истокот на кои втор јазик најчесто им беше англискиот.

Со излегувањето на Британија од ЕУ, во Унијата останаа само две членки каде англискиот е официјален јазик: Ирска и Малта, што ја загрози доминацијата на англискиот.

„Чистењето“ на англискиот јазик веќе почна во Европската комисија, каде има случаи кога писма стигнати на англиски јазик остануваат неодговорени, бидејќи француски функционер чека превод на француски пред документот да биде препратен во Париз.

Процената е дека околу 80% од персоналот на Европската комисија зборуваат француски како прв, втор или трет јазик.