ВОЗОВИТЕ во светот и во Македонија, плачи ако можеш

Додека возот од Скопје патуваше до Битола скоро 10 часа, сега може да се патува со воз од португалскиот град Лагуш до Сингапур, со неколку застанувања попат, а цела Европа ќе се помине за исто толку време. Според анализите и пресметките што ги направиле британскиот блогер за железнички патувања Марк Смит и корисници на Редит, патувањето е долго 18.755 километри.

Меѓу попатните станици особено се издвојуваат Париз, Москва, Пекинг и Бангкок.

Ова стана можно откако на 2 декември беше отворена нова секција од брзата пруга во Лаос, која ги поврзува неговиот главен град Виентијан и кинескиот град Кунминг. Долга 414 километри, оваа линија се градеше пет години и сега го овозможува најдолгото непрекинато патување со воз на светот. За споредба пругата Скопје – Софија од 200км се гради 30 години и уште е на почеток!

Се проценува дека патувањето Португалија – Сингапур би чинело околу 1.200 евра во билети.

За да се пропатува оваа маршрута, би требало да се помине низ 13 држави, како Португалија, Шпанија, Франција, Белгија, Германија, Полска и Белорусија во Европа и Русија, Монголија, Кина, Тајланд и Малезија во Азија.