ПОСЛЕДНИТЕ зборови на Меркел пред да замине

Германската канцеларка пред да замине, Ангела Меркел повика на солидарност во борбата против ширењето на коронавирусот и уште еднаш апелираше до Германците да се вакцинираат, во нејзината последна неделна видеопорака како канцеларка.

-Сфатете го сериозно овој непредвидлив вирус, повика таа.

Меркел зборуваше за пренатрупаните оддели за интензивна нега со сериозно болни пациенти ширум Германија и ужасно високиот број на починати како последица на вирусот.

Секој од нив зад себе ги остава семејството и пријателите, шокирани и беспомошни. Ова е посебно горко затоа што може да биде избегнато. Со ефективни и безбедни вакцини, клучот е кај нас, кажа Меркел и им се заблагодари на граѓаните кои имаат разбирање за мерките за заштита од коронавирусот.

Тие го сочинуваат огромното мнозинство во нашата земја. Тие секој ден го покажуваат граѓанскиот дух кој ја прави оваа земја прекрасна и без нив никој канцелар, ниту влада, не може да постигне ништо, додаде долгогодишната германска канцеларка.

Меркел ја напушти функцијата минатата недела и на нејзиното место дојде Олаф Шолц од социјалдемократите.