ЗАСТРАШУВАЧКО ПРЕДУПРЕДУВАЊЕ: Шокантна изјава на Бил Гејтс за вештачката интелигенција вечерва го стаписа светот

Коосновачот на „Мајкрософт“, Бил Гејтс, излезе со едно од своите најсериозни предупредувања досега за развојот на вештачката интелигенција, оценувајќи дека технологијата би можела да биде доволно моќна за да доведе до настани во кои би загинале дури милијарда луѓе.

Гејтс ова го изјави во интервју за емисијата „Meet the Press“ на NBC, чиј дел беше објавен во петокот.

„Вештачката интелигенција сигурно е доволно моќна да поттикне настани кои би можеле да предизвикаат милијарда смртни случаи“, изјави Гејтс.

Според него, особено голема опасност претставува можноста најнапредните алатки базирани на вештачка интелигенција да завршат во рацете на луѓе со злонамерни намери.

Гејтс предупреди дека досега не постоела толку моќна комбинација како онаа меѓу луѓе со лоши намери и најновите алатки на вештачката интелигенција.

Тој смета дека технолошките компании не можат сами да бидат единствените кои ќе одлучуваат како ќе се контролира развојот на оваа технологија.

На прашањето дали е потребна законска регулација, Гејтс посочи дека саморегулацијата не е доволна и дека во поставувањето на заштитните механизми мора да бидат вклучени властите, законодавците и институциите.

Неговото предупредување доаѓа во период кога сè поголем број експерти и луѓе од технолошката индустрија јавно зборуваат за потенцијалните катастрофални ризици од брзиот развој на најмоќните системи со вештачка интелигенција.

Сепак, изјавата на Гејтс не претставува предвидување дека милијарда луѓе навистина ќе загинат, туку предупредување за потенцијалниот размер на штетата доколку моќните системи со вештачка интелигенција бидат злоупотребени.