„Германија пропаѓа, се селам“ – Гастарбајтер откри сурово искуство за земјата која многу Балканци ја сметаат за ветена

Корисник кој моментално се наоѓа во Германија кратко и јасно порача:

„Би сакал да си заминам одовде бидејќи сè ова пропаѓа и нема смисла да се остане“ – прашувајќи дали некој друг планира преселување во Швајцарија.

Неговото чувство не е осамено

Истражувања од почетокот на 2026 година покажуваат дека дури секоја петта личност во Германија размислува да ја напушти земјата, а како главна причина се наведува потрага по „повисок квалитет на живот“. Оваа кратка објава покрена лавина коментари кои ги открија двете лица на Швајцарија – онаа од соништата и онаа од кошмарите.
Швајцарскиот сон: засолниште од високи даноци
Еден од најпопуларните коментари понуди идеализирана слика за Швајцарија како засолниште од европските проблеми.

„Швајцарија не пропаѓа затоа што не дозволува социјални политики и високи даноци, тоа е земја која дури и здравството го има 100% приватно, нешто на што на просечен човек од Хрватска му се крева косата“ – напиша корисник, фалејќи го нивниот систем на директна демократија и помалата улога на политичарите.

Сепак, други брзо ја спуштија топката на земја, предупредувајќи на високите трошоци за живот кои можат да „ја изедат“ високата плата.

„Мислам дека да се оди таму и да се работат просечни работи нема смисла. Мора да е нешто добро и дефицитарно. Инаку животот нема да биде баш убав со оглед на тоа колку е сè скапо таму“ – истакна еден коментатор.

Работнички права и „граѓани од втор ред“
Најсериозното предупредување дојде од Хрват кој работи во Германија, но за швајцарска фирма:

„Да, парите се поголеми, но односот кон работникот знае да биде многу построг. Боледување, притисок, очекувања… сè е на повисоко ниво отколку во Германија. Во Германија, каква и да е, работникот сепак е повеќе заштитен.“

Тој додаде и клучна реченица што многумина ја разбираат предоцна:

„Не е сè во парите, тоа луѓето често го сфаќаат дури кога ќе заминат.“

Во расправата се појави и мислење дека странците, особено оние со презимиња на „-иќ“, никогаш не се целосно прифатени и остануваат „граѓани од втор ред“.

Дали Германија навистина пропаѓа?

Додека авторот на објавата е уверен дека Германија „пропаѓа“, не сите се согласија.

„Германија е супер, особено Минхен“ – беше еден од одговорите.

Друг корисник сподели дека токму се сели во Германија со плата од 100.000 евра годишно и верува дека ќе му биде добро, а ако не биде – „ништо, тогаш малку Швајцарија или Емирати“.

Интересно е што авторот на оригиналната објава на коментари на хрватски јазик одговарал на англиски, жалејќи се на слаба куповна моќ и покрај, како што вели, „низок“ животен стандард. Неговиот став одразува поширок проблем со кој се соочува Германија: и покрај хроничниот недостиг на работна сила и потребата од стотици илјади доселеници годишно, земјата се бори да ги задржи квалификуваните работници кои веќе се таму, а кои сè повеќе се незадоволни од високите даноци и комплицираната бирократија.