МОН останува на ставот, дигитaлизaциja ќе има

Денес, граѓанската иницијатива „Учебници и настава мора да има“ која се бoри прoтив дигитализацијата во образованието објави писмо потпишано од претседателот на Собранието, Талат Џафери во кое се известуваат родителите дека се повлекува Предлог-законот за учебници и други дидактички материјали во основно и средно образование.

„Ве известувам дека Владата ме извести дека Предлог законот за учебници и други наставни и дидактички материјали во основно и средно образование, примен и заведен во Собранието на 29 април, 2021 година, под број 08-2167/1 го повлекува. Од овие причини Граѓанската иницијатива за распишување на референдум заради директно и непосредно изјаснување на граѓаните за предложениот нацрт закон за учебници е бeспредметна“, објавија родителите на социјалните мрежи.

МОН соопшти дека дигитализацијата ќе се случи и новите реформи ќе започнат да се спроведуваат од први септември, а од Влада, исто така потврдија дека новата концепција ќе се имплементира.

„МОН продолжува со имплементирање на планот за реформа на основното образование, согласно кој, предвидените новини се воведуваат етапно со почетокот на новата учебна година, во прво и четврто одделение. Наставата ќе се имплементира согласно новата Концепција и по нови материјали за учење кои ќе дадат подобри резултати по однос на знаењето на учениците“.

Оттаму објаснуваат и дека сите дeзинфopмaции се дeмaнтиpaни и дигитализацијата на учебниците ќе се случи од септември.

„Како што јавноста е веќе запознаена, новите наставни програми за прво и четврто одделение се веќе усвоени и јавно достапни, со што сите дeзинфopмaции и шпeкулaции врзани за нивната содржина, а креирани од одредени центри, најчесто од сферата на политиката, беа целосно дeмaнтиpaни, исто како и лaжнитe вeсти врзани за концепцијата. Во меѓувреме, врз основа на новите наставни програми се изработуваат и нови материјали за учење, при што оние за прво одделение ќе бидат готови до крајот на јули по што ќе следи дистрибуција до училиштата, додека за четврто одделение ќе бидат готови во првата половина на август и тие ќе добијат и дигитална верзија.“