МАКЕДОНИЈА е македонска, истакнаа од МКОНЦЕПТ пред гробот на Гоце Делчев

Делегација на политичката партија Македонски Концепт, вчера положи свежо цвеќе на вечното почивалиште на македонскиот револуционер Гоце Делчев во Црквата Свети Спас во Скопје.

Делегацијата на Македонски Концепт / Koncepti Maqedonas / Macedonian Concept во состав Национален тим лидер Петар Богојески, Стручен тим лидер Оливера Клинчарова и Регионален тим лидер – Скопје 1 Стојан Србиноски се поклони пред вечното почивалиште на македонскиот Револуционер и идеолог на македонската револуционерна борба Гоце Делчев!

„ПОЧИТ ЗА ВОЈВОДАТА! Вечно благодарни на твоето Дело, заколнати во твојата Кауза!“ – напишаа тие на социјалните мрежи.

Пред пристигнување во дворот на Црквата Свети Спас, лидерот на партијата Петар Богојески даде изјава за МТВ во која истакна:

„Македонија е македонска! Македонија е демократска земја, во која се почитуваат правата на секој еден наш граѓанин. Секој има право на самоопределување и секој може да покаже почит кон нашиот македонски револуционерен апостол Гоце Делчев. Тоа треба да го направи со почит кон него, кон Македонија и Македонците!“.

Богојески смета дека се претерани толкави безбедносни мерки, особено забраната за слободно известување на новинарите од самото место – дворот на Црквата Свети Спас, каде е гробот на Делчев.

„Неприфатливо е да им се попречува слободното известување и работата на македонските новинари. Бараме извинување од Владата за овој настан без преседан“! – истакна Богојески.