СРБИЈА или „ГЛАВАТА“, изборот на ВУЧИЌ под мечот на Путин

ЕУ притиска за санкции, Путин притиска за главата на Вучиќ. Ако прифати опција да ја заштити Србија и воведе санкции за Русија, Вучиќ ќе ја изгуби главата, смета Ненад Чанак, лидер на Лигата на социјалдемократите од Војводина во изјави за N1.

Состојбата дополнително се комплицирала со падот на Милорад Додиќ во Република Српска, кој ги изгуби изборите поради нарушените односи со српскиот претседател Александар Вучиќ, па неговата „стратегијата за излез“ слична на онаа на Грувески би можела да биде заобиколување на Белград и директно бегство во Русија.

Путин дава силна поддршка на бандитот Додиќ и ќе се обиде на секој начи да притиска врз Вучиќ истиот да биде заштитен од Србија, што би значело повторно „војна“ со ЕУ.

Чанак беше прашан дали политиката на Вучиќ е во колапс.

„Прашањето овде не е во основата на неговата политика, туку во откажувањето од седењето на две столчиња. Од една страна, да се биде добар со Москва, од која Србија е енергетски зависна до тој степен што е колонијална позиција, и од друга страна, да се биде добар со Европската Унија не е прашање само на политички одлуки, туку на огромното мнозинство од надворешната трговија со Унијата.

Сега треба да видиме колку ќе боли. Русите се тука бескрупулозни и ќе прибегнат кон брутални мерки“, вели Чанак.

Тој беше прашан кои се тие мерки. „Дали забележавте колку руски тајкуни и високи функционери починаа од неприродна смрт во последните месеци? Вучиќ е во најкомплицираната ситуација во која може да се најде“, одговори тој.

Тој како што пренесува медиумот вели дека на Вучиќ му се закануваат од Москва и дека лесно може да настрада. Србија е полна со министри за безбедност, измеќари на Путин, како на пример Вулин и слични на него.

„Тој моментално е најсилниот човек во Србија и од него зависи што ќе се случи во оваа земја. Србија и овој регион се исклучително важни за Русите, додека тука има нестабилност и неред, дотогаш Русија има можност да се коцка со оваа област“, ​​вели тој.

„Русите се целосно бескрупулозни, што со свои очи го видов во Украина каде што извршија воени злосторства.

На Путин му е сосема јасно дека го става во опасност целото човештво, тоа се работи за кои не може да се разговара. Планетата, слободата и демократијата мора да се бранат, а Путин е пречка“, рече Чанак.