РУСИЈА ВО ОЧАЈ, се плаши од НАТО и моли за излез

Русија ќе користи нуклеарно оружје само во случај на закана за опстанокот на земјата, а не поради актуелната војна во Украина, изјави портпаролот на Кремљ за американските медиуми.

„Но, секој исход од операцијата во Украина, се разбира, не е причина да се користи нуклеарно оружје“, рече Дмитриј Песков.

„Имаме безбедносен концепт кој јасно кажува дека само кога постои закана за опстанокот на државата, во нашата земја, можеме да користиме и всушност ќе користиме нуклеарно оружје за да ја елиминираме заканата за опстанокот на нашата земја“, додаде Песков.

Коментирајќи ги санкциите што Западот ги воведе кон Русија, Песков рече дека тоа се непријателски услови, дека тоа го загрозува опстанокот на Русија и доколку се случи да не може да функционираат, и тоа е основ за нуклеарен напад.

Со други зборови, ние сме очајни поради санкциите и доколку останеме без леб, ќе нападнеме со нуклеарно оружје, за да не оставите да окупираме кој сакаме и да имаме за лапачка.

Мораме да се прилагодиме на условите. И, за жал, овие услови се доста непријателски. Влеговме во фаза на тотална војна. Западноевропските земји, САД, Канада, Австралија, тие всушност водат војна против нас во економијата, со трговијата, со одземањето на нашиот имот, со одземањето на нашите средства, со блокирање на нашите односи. И ние мора да се прилагодиме на новата реалност.

Треба да ја разберете Русија. На Западот со децении му кажуваме дека се плашиме од преместување на вашето НАТО на исток. И ние се плашиме од приближувањето на НАТО кон нашите граници со неговата воена инфраструктура. Ве молиме грижете се за тоа. Не туркајте не во ќош“, рече Песков.

„Прво рековме, слушајте момци, не сме задоволни од овој пуч во Украина. А вие ги имате гаранциите на Полска, Франција и Германија. Веројатно се сеќавате на документот потпишан од надлежните министри за надворешни работи. Немаше никаква реакција. Тогаш рековме, слушајте момци, не сме задоволни од можноста Украина да влезе во НАТО, бидејќи тоа дополнително ќе не загрози и ќе го наруши балансот на меѓусебното одвраќање во Европа. Немаше никаква реакција.

Тогаш рековме, слушајте момци, сакаме еднаков однос. Сакаме да ги земеме предвид меѓусебните грижи. Ако не ја земете предвид нашата загриженост, тогаш ќе бидеме малку нервозни. И тогаш немаше никаква реакција“, изјави Песков, зборувајќи во име на Путин.

Додаде дека ситуацијата е доста загрижувачка.

„Но, ние сме доволно мудри да сфатиме дека пред оваа операција, НАТО го направи истото, но со насмевка на лицето и постепено. Ние сме длабоко убедени дека НАТО не е машина за соработка и не е машина на безбедност, туку машина на конфронтација“, рече Песков.

Запрашан дали ќе го исклучи гасот за Европа, одговори: „Па зависи. Ако не платат, нема да има бензин“, рече тој.

Русија мора да има излезно решение, за да се откаже од превисоките амбиции во Украина, кои очигледно не може да ги постигне и сака достоинствено да се повлече. Ако нема достоинствено повлекување, таа ќе војува „до крај“!

Не не туркајте во ѕид, бидејќи ќе немаме друг избор освен да нападнеме со нуклеарно оружје, се заканува Песков. Ние молиме за компромис и воспоставување на соработка и разбирање како партнери.