ОПАСНА ИГРАЧКА: Вулин влезе во филмот на Путин, најава за војна со Косово

После барањето на Косово за брз прием во НАТО, за да не им се случи украинското сценарио, српскиот министер за внатрешни работи Александар Вулин денеска изјави дека приемот на Косово во НАТО ќе претставува закана за Србија со вооружен конфликт „и ништо друго“.

Косовското собрание во средата усвои резолуција со која ја повикува владата да започне преговори за членство во НАТО.

„Да се ​​стави Косово под покровителство на воената алијанса значи поништување на резолуцијата 1244 (Совет за безбедност на ОН), укинување на Кумановскиот договор и сите гаранции дадени од ОН, но и обврзување на сите земји членки на НАТО, во согласност со членот пет од Повелбата за територијалниот интегритет, да бидат должни да ја штитат новопримената членка“, се вели во писмената изјава на Вулин.

Вулин целосно влезен во филмот на Путин, праша дали некој се сомнева дека косовскиот премиер Албин Курти „ќе се двоуми“ да изврши напади врз Србите, „особено на северот на покраината и да предизвика конфликти и провокации се додека државата Србија не биде принудена да го одбрани својот народ?“.

Сега северните косовски еклави населени со Срби, добија улога на Доњецк и Лугањск, а загрозените Срби улога на загрозените Руси, за чија заштита мора воено да интервенира Србија во Косово, како што интервенира Русија во Украина. Зашто ако дозволеле да влезе Косово во НАТО, тогаш ќе имало поголема војна помеѓу НАТО и Србија и повеќе жртви. Вака тие превенирале поголем воен судир.

Само што Вулин заборави дека не е Путин, а Србија не е Косово.

„Насилното воведување на Косово во НАТО пактот не е само кршење на процедурите за пристапување во НАТО и газење на резолуцијата 1244, туку и отворена закана за Србија и друга форма на притисок врз српскиот претседател Александар Вучиќ, а тоа го знаат и земјите кои се залагаат за членство на Приштина во НАТО“, додаде Вулин.

Значи тоа е важно, притисок врз Вучиќ, за кој сите српски министри јако се грижат и како папагали повторуваат колку се загрижени за нивниот претседател. Монти пајтон демократија!