НЕВИДЕНО (видео) Дури и проруската црква во Украина застана против Путин
Поглаварот на проруската Украинската православна црква – Московска патријаршија, Киевскиот митрополит Онуфриј го повика рускиот злосторник Владимир Путин да ја сопре војната застанувајќи во одбрана на територијалниот интегритет и целовитост на Украина.
-Како поглавар на Украинската православна црква се обраќам до сите граѓани на Украина. Се случи катастрофа. На голема жалост Русија почна воени дејствија против Украина и во ова судбоносно време ве повикувам да не потпаднете на паниката, да бидете мажествени и да пројавите љубов кон својата татковина е едни кон други.
Пред се ве повикувам за покајна молитва кон Украина, за нашата војска и нашиот народ. Ве замолувам да ги заборавите меѓусебните расправии и недоразборања и да се обединиме со љубов кон Бога за нашата татковина, вели Онуфриј во своето обраќање.
Тој потенцира дека во ова трагично време потребна е љубов и поддршка на украинската војска, која се обидува да ја заштити земјата и народот.
-Поддржувајќи го суверенитетот и целовитоста на Украина, се обраќаме до претседателот на Русија и го молиме веднаш да ја сопре братоубиствената војна. Украинскиот и рускиот народ се излезени од Крштението на Днепар и војна меѓу тие народи е повторување на гревот на Каин, кој од завист го уби својот роден брат. Таквата војна нема оправдување нити во Бога, ниту во луѓето, вели Онуфриј.
Видео обраќање на Поглаварот на следен линк: