Мексико ги oбвини Зара за кражба на дизајн

Mексико ги oбвини модните брендови Зара, Антропологија и Патоул за присвoјување на културата. Министерството за култура тврди дека тие „користеле“ дизајн создаден од домородното население во земјата.

Во серија писма напишани до брендовите, Министерството за култура на Мексико побара „јавно објаснување“. Исто така, повика на „придобивките“ да им бидат „вратени на креативните заедници“ за кои сметаат дека ги измислиле техниките за везење и мотивите за дизајн.

Писмата, потпишани од министерот за култура Алехандра Фраусто Гереро, беа објавени во петокот. Тие посочуваат неколку алишта од трите марки заедно со соодветните примери на облека создадени од домородни занаетчии од регионот Оахака.

Во соопштението за печатот, Министерството за култура се осврна на синиот везен миди фустан од Зара. Тврдеше дека шпанската марка ги црпела симболите на предците и традиционалните фустани „хуипил“ произведени од луѓето Микстек од Сан Хуан Колорадо, Мексико. Тие додаваат дека за да се направат фустаните на занаетчиите треба најмалку еден месец. Фустанот за кој станува збор веќе не е достапен за продажба на веб-страницата на Зара.