РОМАНИЈА и Унгарија не воено, дипломатски ќе помогнеле

Романија нема да се меша во случај на конфликт меѓу Русија и Украина, но е подготвена да му помогне на Киев на дипломатско ниво, изјави романскиот министер за надворешни работи Богдан Ауреску.

„Не може да се зборува за воено мешање на НАТО во случај на конфликт, ниту за мешање на Романија. Нема таква перспектива“, рече тој.

Сепак, додаде тој, Романија ќе го поддржи Киев за санкциите против Русија, без разлика дали станува збор за мерки против одредени поединци или против одредени економски сектори.

Од друга страна, како што пишува „Фајненшл тајмс“, повикувајќи се на извори од унгарското Министерство за надворешни работи, Будимпешта не сака нова Студена војна и е за преговори меѓу Западот и Русија.

„Сакаме да избегнеме нова студена војна, избираме преговори, а не ескалација на тензиите“, соопшти унгарското МНР.