zaev

HEKAДАРНО добpo утpo oд аматepката

Добро утро

Некадарно управување

пишyвa д-p. Aмaтepкaтa, вoнpeдeн пpoфecop нa eдeн фaкyлтeт

Eкспертите велат дека новата варијанта на коронавирусот омикрон има експлозивна преносливост, а дали вакцините ќе штитат од неа, уште не е јасно. Неколку случаи се веќе детектирани во неколку европски држави. Повеќето од нив превзедоа превентивни мерки за заштита од истиот. За жал, кај нас е присутен само стравот.

Сеуште нема сериозен пристап кон новата закана од вирусот која може да го доуништи и така ерозивниот здравствен и економски систем во државава. Нашите политичари се занимаваат со внатрепартиски борби за превласт и ситно партиски интереси за топли фотељи. Додека нормалните држави веќе превземаат сериозни мерки ние сеуште неможеме да се опоравиме од досегашните штети.

Премиерот Зоки „дигна раце’’ и како да сака да им каже „што сакате правете’’! Неговите избраници како „муви без глави’’ бараат начин како да си ги заштитат своите позиции, без око да им трепне за штетите кои ги нанесуваат со нивното некадарно практицирање власт. Додека тие си играат на „министри’’ и „функционери’’ изумреа илјадници граѓани. Од живите голем процент останаа без работа и уништени бизниси, а останатите се молат да се случи чудо за да останат здрави и живи.

Ваква неодговорност и некадарност до сега не е запаметена. Нашата држава поминала многу од осамостојувањето до денес. Нанесувани и биле многу неправди и штети. Политички пресметки, трагедии па и војна. Секакви влади, функционери и локални шерифи кои ги паметиме по некој скандал ама ваков „пекол’’ до сега не е запаметен. Тие сепак се удобни користејќи ја ситуацијата на луѓето кои се исплашени за своето здравје и кои живеат во неизвесност.