Укината забрана за движење на неколку патни правци во Македонија

Од 8.20 часот е укината забраната за сообраќај за тешки товарни возила на планинскиот премин Ѓавато и на патниот правец Струга – Граничен премин Ќафасан, а од 8:30 часот се укинува и забраната за камиони на планинскиот премин Стража.

АМСМ претходно соопшти дека забраната за сообраќај на камиони од 5.20 часот е укината и за планинскиот премин Плетвар и дека е нормализиран сообраќајот на патниот правец Маврови Анови – Дебар, кај Бигорскиот манастир, откако се пробиени лавините што вчера паднаа на делницата Дебар – Жировница.

Македонија е под дебела снежна покривка, затворени патни правци, лавини. Снегот како и обично предизвика застој во сообраќајот на повеќе патишта.