Руски дизел утре тргнува за САД: Првата пратка ќе изнесува 40.000 тони

Русија во четврток, 22 октомври, планира да ја испрати првата пратка дизел за САД. Танкерот ќе превезува 40.000 тони гориво, изјави рускиот вицепремиер Александар Новак. Се очекуваат и дополнителни пратки.

Испораката следува по договорот за руски извоз на дизел во САД, постигнат меѓу претседателите Доналд Трамп и Владимир Путин. Вашингтон издаде привремена лиценца со која се овозможува испораката на руско гориво и покрај санкциите.

Договорот предизвика критики од Украина, Европската Унија и дел од американските републиканци. Москва го поздрави, додека Трамп го поврза со настојувањата да се намалат цените на горивата.

Руските рафинерии се соочуваат со ограничувања по украинските напади со беспилотни летала. Москва претходно воведе ограничувања на извозот на гориво поради состојбата со снабдувањето на домашниот пазар.

Киев тврди дека нафтените постројки се легитимни воени цели бидејќи ја снабдуваат руската војска со гориво и обезбедуваат приходи за финансирање на војната.