Трамп најави објавување на досиеја за НЛО и вонземски живот

Претседателот на САД, Доналд Трамп, преку јавна објава најави дека ќе иницира процес за идентификување и објавување на владини досиеја поврзани со вонземски живот и неидентификувани воздушни феномени.

Во пораката, Трамп посочи дека одлуката доаѓа „врз основа на огромниот интерес што е покажан“ во јавноста, објави 4news.mk Тој најави дека ќе му наложи на секретарот за војна, како и на други релевантни министерства и агенции, да започнат постапка за собирање и објавување документи поврзани со вонземски и вонземски живот, неидентификувани воздушни феномени (UAP) и неидентификувани летачки објекти (НЛО).

Според најавата, процесот би опфатил и „сите други информации поврзани со овие многу сложени, но исклучително интересни и важни прашања“, што може да значи поширока ревизија и декласификација на постоечки архиви.

Објавата повторно ја отвори темата за транспарентноста на американските институции во однос на НЛО и UAP, прашања кои со години предизвикуваат внимание кај јавноста, научната заедница и безбедносните структури, објави 4news.mk

Трамп ја заврши пораката со зборовите: „Бог да ја благослови Америка“.