Традиционалното божиќно капење во ова езеро – ќе собере дури 4.200 пливачи

Традиционалното божиќно капење на Женевското езеро ќе собере околу 4.200 пливачи, објавија денес локалните медиуми. Првите 3.700 учесници на овој традиционален настан излегоа да пливаат на езерото во саботата, чија температура беше помала од 9 степени Целзиусови, пренесува Swiss info.

Учесниците пливаа во групи од околу 25 луѓе, некои од нив носеа нуркачки одела, додека други ги испливаа пропишаните 100 метри облечени во костими од печурки, мисирка или пиратски костими.