ЕУ да потврди финансиска помош за Турција

Лидерите на Европската унија се очекува да ја потврдат понатамошната финансиска поддршка за Турција како домаќин на бегалците и враќањете на мигранти од Грција, извор на Еуроњуз од дипломат на ЕУ.

Одлуката најверојатно ќе биде донесена за време на самитот во четврток во Брисел кога ќе се состанат шефовите на држави и влади на ЕУ.

Дипломатот рекол дека лидерите ќе и дадат мандат на Комисијата без одлагање да излезе со конкретен предлог за договор со Анкара.

Турција во моментов е домаќин на три милиони бегалци, а според германската канцеларка Ангела Меркел, ова им дава право на помош.

Исто така, на дискусија е и модернизација на царинската унија меѓу двете страни, која Анкара сака да ја реши порано отколку подоцна.

Марк Пјерини од Карнеги Европа за Еуроњуз изјави дека овој дел ќе биде особено тежок.

„Можеби ќе забележиме одреден напредок во финансирањето на сириските бегалци и тоа ќе биде тешко, но може да го видиме тоа“, рече Пјерини. „Но, за останатото, јас гледам политика на чекање и гледање спротивна на она што го рече турското раководство во изминатите неколку дена, велејќи, на пример, дека царинската унија треба да започне без предуслови“.

Тој додаде: „И, се разбира, постои предуслов за владеење на правото затоа што европскиот бизнис, без разлика дали зборувате за трговци, инвеститори или банкари – тие сакаат да видат еднакви услови за игра“.