СТУДЕНТСКИ ПРОТЕСТИ во Скопје, ова се барањата

Студентите за денес во 16.00 часот закаажа протест во ценатрот на Скопје, пред Собранието откако беше предложено да се направат измени во Законот за субвенциониран студентски оброк.

Бараат сите студенти во Македонија да бидат иземени од мерките за штедење, како и повлекување на законските измени со кои се предвидува поскапување на оброкот во студентските мензи од 120 на 150 денари.

Истовремено дел од барањата е и изедначување на стипендиите со повискиот износ, изземање на студентите од антикризните мерки на Владата за рационализација и штедење на струја, подобрување на условите и итна санација каде што е неопходна во студентските домови.

„Со децении наназад студентот од Македонија е жртва на лошите политики и институционалната пасивност. Крајно време е да се спротиставиме на уништувањето на студентскиот стандард“, порачуваат од „Студентски отпор“.

Со остра реакција и Универзитетското студентско собрание при УКИМ, кои како што велат не отстапуваат од нивните барања.

Ги слушаме барањата и прифаќаме конструктивни предлози и критики. Не само што не отстапуваме, напротив направени се промени по основ на точка 3 и додадено е ново барање, односно точка 4.

МВР за денес најави посебен режим на сообраќајот во центарот на град Скопје.

Се очекува огромно присуство на студентите од УКИМ, но и поддршка од незадоволни граѓани и групи од владеењето на оваа ненародна криминална власт.