ПОЕНТА НА ДЕНОТ за Ќосето и ќосињата
ПОЕНТА НА ДЕНОТ
НАСИЛСТВОТО се враќа со насилство. Било така и ќе остане.
Прв бран насилство
Насилното поставување на споменици на ликови кои никој не ги знае, прв пат ги слушнале граѓаните, никој предходно не ги подготвил, не им објаснил кои се и зошто заслужуваат споменици, создаде отпор токму кон тие историски ликови, а не кон неодговорните поставувачи на споменици.
Втор бран насилство
Тоа насилно и ноќно шверц поставување на споменици на секое ќоше, создаде насилно и ноќно шверц отстранување на споменици од секое ќоше.
Притоа и отстранувачите, како и поставувачите, не им објаснија на граѓаните од кои причини ги отстрануваат!
Дали од естетски причини, дали идеолошко – политички, дали од одмазда кон поставувачите или од омраза кон историските ликови?
Трет бран насилство
Тоа предизвика очајна потреба кај следбениците на поставувачите да им се одмаздат на отстранувачите и по трет пат насилно да ги вратат поставено – оставено истите споменици.
Срамота за историските ликови, срамота за народот, срамота за историјата која ја создаваме.
До кога и до каде со насилствово?
Споменик се поставува, а под него се поклонува цел народ.
Споменик обединува народ, а не разединува.
Но тоа секако во нормалните држави, во Македонија е обратно.
Тука споменик се плука.
Тука споменик разединува.
Ние не сме ниту за споменик!
пишува, ПОЕНТИРАЧОТ!