7-годишно момче пливало 1 час за да го спаси семејството

7-годишно момче од Флорида е прогласено за херој откако пливал еден час за да добие помош кога неговата сестра и татко ги одвела реката. Стивен Поуст го закотвил својот брод на реката Сеинт Џоунс во Џексонвил, Флорида, за неговите две деца Чејс (7) и Абигејл (4) да пливаат.

Одеднаш, Абигејл, која обично седела на задниот дел од бродот, се отпуштила од бродот бидејќи струјата на реката била многу силна. 7-годишното момче решило да се пушти со цел да се обиде да ја спречи да лебди, но тогаш тој останал заглавен. Поуст скокнал за да им помогне и му рекол на Чејс да плива на брегот. Таткото се обидувал да ја достигне својата ќерка, која носела спасувачка јакна.

„Им реков дека ги сакам затоа што не бев сигурен што ќе се случи“, рече Поуст. “Се обидов да останам со двајцата. Се истрошив. Таа се оддалечи од мене”. На Чејс му требало еден час да стигне до брегот. Тој изјавил дека лебдел на грб за да не се истроши. Кога стигнал до копно, истрчал до најблиската куќа за помош. Во меѓувреме, неговите татко и сестра се оддалечиле многу од локацијата на бродот, според Одделот за пожар и спасување.

Пожарникарите стигнале до бродот, но морале да повикаат други агенции за проширување на потрагата, рече портпаролот Ерик Просвимер на прес-конференција. Да не беше помошта од неговите колеги, резултатот можеше да биде поинаков, рече Просвимер. „Ги имавме сите ресурси што можеше да ги имаме брзо и ние сме среќни што можеме да кажеме дека сите три се опоравени, и им оди добро“, рече тој. „Не можевме да побараме подобар исход“.