Руски ракетен напад врз Киев: Едно лице загина, десетмина се повредени (ВИДЕО)

Едно лице загина, а десет се повредени во ноќниот руски ракетен напад врз Киев, главниот град на Украина. Погодени биле административна зграда и други објекти што не се наменети за домување, а оштетена била и инфраструктурата на метрото кај Јужниот мост.

За време на воздушната тревога во Киев се слушнале повеќе експлозии откако украинските воздухопловни сили предупредиле за опасност од балистички ракети, објави „Укринформ“. Војската забележала неколку ракети што се движеле кон главниот град.

Градоначалникот на Киев, Виталиј Кличко, соопшти дека во областа Подил бил погоден административен објект, додека на уште две локации биле оштетени други објекти што не се наменети за домување.

It is reported that this evening the Russians struck Kyiv with ballistic missiles. The strikes hit a university campus, a park, and residential buildings. The strike hit a crowded area with no nearby military targets. Unfortunately, there are dead and wounded, people may be trapped under the rubble, and rescue operations are ongoing.

— WarTranslated (@wartranslated) October 27, 2026