Драма кај Миконос: се запали траект натоварен со камиони и коли, екипажот бега да се спаси (ВИДЕО)
Драматични сцени утрово беа снимени откако избувна пожар на грчки траект што превезувал камиони и автомобили северно од Миконос, објави „Грик сити тајмс“.
Пожарот избувнал околу 9 часот во една од гаражите на бродот „Блу Кериер 2“, а надлежните истражуваат дали камион можеби бил причина за пожарот.
На бродот имало 29 луѓе, од кои 28 членови на екипажот и еден возач на камион. Сите биле евакуирани во чамците за спасување, а подоцна биле преземени од бродови што се нашле во близина и безбедно пренесени на островот Тинос.
Снимките од внатрешноста на бродот покажуваат членови на екипажот како се обидуваат да го изгаснат пожарот додека чадот ги исполнува делови од бродот.
🇬🇷🔥 FLASH | Un incendie s’est déclaré à bord d’un ferry grec qui transportait 166 camions et 29 voitures.
Les 29 personnes présentes à bord, dont 28 membres d’équipage et un chauffeur routier, ont toutes été évacuées avec succès à bord des canots de sauvetage. pic.twitter.com/mtm7D0COSV
— Cerfia (@CerfiaFR) September 25, 2026
Нема пријавено загинати или повредени. Откако сите луѓе биле безбедно евакуирани, спасувачките екипи се фокусирале на гаснење на пожарот и на спречување евентуално загадување на морето.
Причината за пожарот засега се истражува.
„Блу Кериер 2“ бил изграден во 1997 година и е долг околу 162,5 метри. Во моментот на пожарот превезувал 166 камиони и 29 автомобили.