Лина не запира, ќе игра и на УС Опен

Лина Ѓорческа го оствари најголемиот успех во кариерата со пласманот на главниот турнир на Вимблдон, но македонската тенисерка не планира да запре.

Следна цел – настап на УС Опен, откако Ѓорческа се пријави да биде дел и од американскиот гранслем турнир што ќе стартува за околу еден месец.

Организаторите денеска го објавија списокот на пријавените тенисери и тенисерки, меѓу нив се најде и името на Македонката, која како и на Вимблдон, ќе се обиде преку квалификации да стигне до главниот турнир.