ВЛЕН: Една година со Африм Гаши – Парламентот стана дом на граѓаните

Денес се навршува точно една година откако Африм Гаши ја презеде функцијата претседател на Собранието на Република Северна Македонија — период кој, според Движењето ВЛЕН, ја покажал можноста политиката да се води со достоинство, скромност и одговорност.

Од Движењето велат дека Гаши, со својот скромен, но решителен пристап, успеал да го промени перцептот на јавноста за Парламентот, трансформирајќи го од затворен центар на моќ во отворена и достапна институција во служба на граѓаните. Собранието, велат од ВЛЕН, под негово водство, станало поефикасно, поправедно и транспарентно.

„Со враќањето на достоинството на парламентарниот дијалог, зајакнувањето на законодавната функција и запирањето на злоупотребите со европското знаменце, Парламентот се врати во својата суштинска улога – да биде чувар на демократијата и глас на народот“, велат од ВЛЕН.

Посебен акцент се става на развојот на парламентарната дипломатија, која според нив достигнала историски највисоко ниво. Преку бројни официјални посети, билатерални средби и активно учество на меѓународни форуми, Парламентот успеал да ја зацврсти својата улога како доверлив евроатлантски партнер.

Покрај тоа, се истакнуваат и чекорите кон дигитализација и зголемена транспарентност, вклучително и редовни средби со новинарите и нови можности за директна комуникација меѓу граѓаните и нивните избраници.

„Ова е само почеток. Убедени сме дека со ова темпо, визија и интегритет, Парламентот ќе продолжи да биде не само дом на законодавството, туку и вистински дом на секој граѓанин“, порачуваат од ВЛЕН, честитајќи му на Африм Гаши за една година, како што велат, успешен и реформски мандат на чело на законодавниот дом.