Поучен од Арсовска новиот в.д. директор на Ј.П Водовод врши тортура врз вработените

Синдикатот на работниците од угостителството, туризмот, комунално- станбеното стопанство, занаетчиството и заштитните друштва (СУТКОЗ) при ССМ обвинува дека се врши притисок и тортура врз вработените во „Водовод и канализација“ од страна на новоназначениот в.д. директор.

– Вработените во ЈП Водовод и канализација Скопје, од 7 часот утринава се соочуваат со тортура од страна на новото раководство на јавното претпријатие.

Повеќе од една третина од вкупниот број на вработени во претпријатието се засегнати со губење на работните места и незаконски распоредувани на други работни места со Задолженија без право на приговор и без право на жалба што е спротивно и на Закон и на колективен договор и на Уставот на државата – се вели во соопштението од СУТКОЗ.

Ваквите постапки, според синдикатот, се грубо кршење на работничките права за разлика од, како што наведуваат, периодот кога директори биле Душко Весковски и Златко Перински кога се почитувал колективниот договор.