(Видеа) АМЕРИКАНСКИ и НАТО војски се движат кон Русија, што се случува?

После посетата на американскиот претседател Бајден на Полска и Источна Европа, очигледно се согледани слабостите за заштита на американските интереси во тој дел од светот. Како што е соопштено, авиони Ц-17 „глоубмастер“ со околу 2.000 американски војници полетале во воената база Форт Брег во Северна Каролина во правец на Полска.

Повеќето војници ќе бидат стационирани во Полска, а останатите ќе бидат привремено распоредени во Германија. Но тоа е само мал дел од плановите на НАТО.

Според постојаниот претставник на Русија во Европската Унија Владимир Чижов, префрлањето на американските трупи во Европа ги поттикнува „вжештените глави“ во Киев на насилно решавање на ситуацијата околу Донбас. Русите и покрај повеќе од месец и половина напади врз Украина, не може да претнат ниту милиметар на украинска територија во областа Донбас.

„Стратегиски гледано, префрлањето на неколку илјади американски трупи и други западни војници во тој регион не ја менува рамнотежата на силите. Меѓутоа, од политички аспект тоа е провокативна акција која ги поттикнува вжештените глави во Киев, какви во главниот град на Украина ги има многу, да продолжат со демонстрацијата на сила и напорите, како што тие велат, прашањето на Донбас да се реши со сила“, кажа Чижов за Си-ен-ен, истакнувајќи дека Москва е многу загрижена од таквите постапки.

Генералниот инспектор на Бундесверот, Еберхард Зорн, рече дека до крајот на мај, НАТО ќе формира борбени групи во сите балтичко-црноморски земји за зајакнување на источното крило на алијансата.

„Во моментов не гледаме знаци за напад на руските трупи врз земјите на НАТО“, рече Зорн во саботата во интервју за Велт ам Зонтаг. „Во тој поглед, имаме време да ги прошириме капацитетите на НАТО и да го зајакнеме источното крило. До крајот на мај ќе ги создадеме потребните борбени групи во сите земји од Балтикот до Црното Море.

НАТО ќе формира четири дополнителни мултинационални борбени групи во Европа како одговор на руската специјална операција во Украина, се вели во соопштението од вонредниот самит на НАТО кон крајот на март. Во документот се истакнува дека „како одговор на дејствијата на Русија, започнати се одбранбените планови на НАТО, распоредени се елементи на силите за одговор на НАТО, а на источното крило на НАТО се стационирани 40.000 војници“.

Покрај тоа, четири дополнителни мултинационални борбени групи се формираат во Бугарија, Унгарија, Романија и Словачка. Во исто време, беше наведено дека чекорите на алијансата „остануваат превентивни, пропорционални и не се насочени кон ескалација на кризата“.