ЛОШО: Започнува сценариото за промени на границите на Балкан
Високиот претставник на Европската Унија за надворешна политика, Жозеп Борел, порача дека Европската Унија и Соединетите Американски Држави нема да допуштат распад на Босна и Херцеговина.
Говорејќи на Минхенската безбедносна конференција, Борел истакна дека ситуацијата „никогаш не била толку загрижувачка“ во Босна и Херцеговина како сега.
Нагласи дека со месеци се координирал со американскиот државен секретар Ентони Блинкен и дека тие „издале многу сериозно предупредување“ до лидерите на државата.
„Нема да прифатиме распад и дезинтеграција на Босна и Херцеговина“, рече Борел. Тоа е почеток на најлошото сценарио за промена на границите на Балканот, во кое може да настрада и Македонија.
Тој, исто така, објасни дека разговарал со членот на Претседателството на БиХ од ентитетот Република Српска, Милорад Додик, и го повикал да учествува во работата на заедничките федерални институции. Додиќ сериозно работи на распад на таа држава.
Борел, исто така, истакна дека „апсолутно е од суштинско значење“ српските, бошњачките и хрватските лидери да се договорат за уставните и изборните реформи на земјата, што ги бара меѓународната заедница.
Министрите за надворешни работи на ЕУ утре ќе разговараат за ситуацијата во Босна и Херцеговина, како и за можните санкции против лидерите на Република Српска.
Во 1995 година, со Дејтонскиот мировен договор се стави крај на војната во Босна и Херцеговина и се создаде нов федерален владин систем со два ентитета: Република Српска и Федерацијата на Босна и Херцеговина.
Изминатиот јули, земјата влезе во своите најголеми политички превирања од крајот на војната, кога српските претставници почнаа да ги бојкотираат федералните институции во БиХ поради новиот закон со кој се забранува негирањето на геноцидот и се криминализира глорификацијата на воените злосторници.
На 10 февруари, пратениците, босански Срби, гласаа за Законот за формирање посебен Висок судски и Обвинителски совет во Република Српска.
Портпаролот за надворешни работи и безбедносна политика на ЕУ рече дека потегот претставува неприфатливо кршење на уставниот и правниот поредок на Босна и Херцеговина.