Колку ќе потрошат Македонците за Black Friday?

Дали Знаете, ЕКОНОМИЈА / ФИНАНСИИ, Македонија

Black Friday станува сè попопуларен и во Македонија, а податоците покажуваат дека граѓаните од година во година трошат сè повеќе пари, особено преку интернет. Во ноември 2024 година, плаќањата со платежни картички изнесувале 15,79 милијарди денари, додека во ноември 2025 достигнале 17,51 милијарда денари, што е раст од 10,9%.

Најголем раст бележи онлајн купувањето, кое се зголемило за 28,3%, односно од 3,3 на 4,2 милијарди денари. Особено се зголемени и мобилните плаќања. Според досегашниот тренд, се очекува во ноември 2026 година вкупните плаќања со картички да достигнат околу 19,4 милијарди денари.

Сепак, декември останува месецот со најголема потрошувачка, кога граѓаните најмногу купуваат поради празниците.

Македонците сè повеќе го прифаќаат Black Friday, а онлајн купувањето станува сè поважен дел од нивните потрошувачки навики.