Мицкоски со убави вести за пензионерите

Премиерот Христијан Мицкоски уверува дека пензискиот систем е стабилен и дека пензионерите немаат причина за загриженост.

„Ние во моментот имаме стабилен пензиски систем и во таа насока ќе продолжиме и во иднина. Не треба апсолутно никој да се грижи“, изјави Мицкоски.

Тој рече дека директорот на Пензискиот фонд може да има сопствен став, но дека Владата не мора секогаш да се согласува со ставовите на сите функционери во институциите.

„Владата и јас лично цениме дека состојбата е апсолутно стабилна и сигурна и не треба да се грижат пензионерите“, рече Мицкоски.