Македонската репрезентација пристигна во Швајцарија, ова е последна шанса за успех

Македонската фудбалска репрезентација пристигна во Луцерн, каде утре ја очекува последниот натпревар од актуелната репрезентативна пауза во Лигата на нации. Противник е селекцијата на Швајцарија, која досега има максимален учинок во групата.

За избраниците на Гоце Седлоски ова ќе биде можност да го поправат впечатокот по трите порази на стартот од циклусот и да стигнат до првиот позитивен резултат. Македонија сè уште е без освоен бод и без постигнат гол во досегашните натпревари.

Од друга страна, Швајцарија влегува во дуелот како фаворит. По победата од 3:0 во Скопје, швајцарската репрезентација продолжи со одличните настапи и се наоѓа на врвот на групата со девет бодови по три одиграни натпревари.

Натпреварот во Луцерн ќе се игра во вторник од 20:45 часот. Македонската репрезентација вечерва треба да го одработи официјалниот тренинг, по што селекторот ќе ги сподели очекувањата пред последниот натпревар од оваа фаза.

Македонија во Швајцарија отпатува со желба циклусот да го заврши со подобар резултат и да покаже поинакво издание од досегашните натпревари.