Реакции за маркетинг-формулата на Тему

Ниските цени, бесплатната испорака и широкиот асортиман на производи што ги нуди кинеската платформа за е-трговија Тему, ја привлекле Симона Паскоска да ја спушти оваа апликација на нејзиниот телефон и десетици пати да направи нарачки кои ѝ биле потребни, но и такви што не ѝ биле толку неопходни. Кога за прв пат се најавила на оваа платформа, се почувствувала како да е во виртуелно казино – се врти рулет со примамливи парични купони и тајмер кој одбројува за да се изврши нарачката во одреден период.

„Започнав да пазарам од Тему затоа што ми беше ново и интересно. Кога дојде кај нас Тему, на почеток имаше работи кои што не можев да ги најдам тука низ продавниците и така почнав да нарачувам на Тему“, вели Симона Паскоска, потрошувачка на Тему.

Паскоска знае дека квалитетот на производите на Тему, не е загарантиран и тој ризик го прифатила.

„Кога станува збор за квалитетот можам да кажам дека е добар, има некои производи кои што ми стигнаа кои што не беа со добар квалитет, но останатите 90 отсто од производите беа со добар квалитет. Затоа нарачувам и добро е тоа што има поголем избор, повеќе модни додатоци, така што има навистина добар избор и планирам и во иднина да продолжам да пазарам од Тему“, додава Паскоска.

Целиот текст на: https://mk.voanews.com/a/reakcii-za-marketing-formulata-na-temu/7966238.html