Европејците сакаат Велика Британија да се врати во ЕУ

Пет години откако Велика Британија гласаше за напуштање на Европската унија, повеќето Европејци велат дека би сакале Англичаните да се вратат назад во Унијата.

Но, анкетата на Еуроњуз исто така открива дека многу Европејци внимателно следат како и оди на Велика Британија надвор од блокот – и би биле подготвени за излегување од Унијата ако тоа испадне позитивно за Велика Британија.

Во среда се одбележуваат пет години откако Велика Британија одржа референдум за членство во ЕУ, на кој 51,9% гласаа за напуштање.

Гласањето ја потресе британската и европската политика до својата срж и беше проследено со години исцрпувачки преговори меѓу Брисел и Лондон.

Потоа, на 24 декември 2020 година, беше постигнат договор што спречи Велика Британија да излезе од блокот.

Би сакале да се вратите назад во Унијата!

Европејците, засега, не сакаат да ги следат стапките на Велика Британија и да се „разведат“ од ЕУ.

Ексклузивната анкета за Еуроњуз спроведена од Редфилд и Вилтон во Франција, Германија, Италија и Шпанија покажа дека мнозинството од 1.500 испитаници анкетирани во секоја од четирите земји ќе гласаат за нивната земја да остане земја-членка доколку се одржи референдум во блиска иднина.

Шпанците беа најодлучни со 84% да останат во ЕУ, Германија со 65%, додека пак Италија и Франција со 61% од испитаниците кои се за останување во ЕУ.