Поради ДЕФИЦИТ НА МАЖИ во РУСИЈА, ПУТИН ќе МОБИЛИЗИРА 300.000 ЖЕНИ

Путин планира да мобилизира два милиони луѓе? Поранешниот професор тврди дека во војна ќе одат и 300.000 жени.

Рускиот претседател Владимир Путин наскоро може да мобилизира уште два милиони војници, вклучително и 300.000 жени, во очајнички обид да победи во војната против украинските сили.

Дмитриј Песков, портпаролот на Кремљ, негираше дека би можело да има повеќе регрутирање, но со оглед на тоа што Путин сè уште одбива да го потпише потребниот декрет за ставање крај на овој сегашен бран на мобилизација, тоа ги поттикнува дополнителните гласини дека ќе има повеќе.

Руски извори шпекулираат дека ќе следуваат дополнителни регрутации додека Русија ќе продолжи со понижувачките порази во Украина, пренесува Јутарњи лист. Телеграмскиот канал General SVR вели дека Путин смета дека е „доволно“ за победа доколку покани уште два милиони луѓе во војна, од кои околу 300.000 се жени.

Голем број жртви меѓу мобилизираните само ќе го обединат руското општество и ќе го зајакнат сегашниот режим, без разлика дали резултатот ќе биде победа или пораз – смета претседателот.

Валери Соловеј, поранешен професор на престижниот московски институт за меѓународни односи, рече дека планираат да мобилизираат не 300.000, 400.000 или 500.000, туку до два милиони луѓе, вклучувајќи 300.000 жени, по новогодишните прослави.

Дополнително, тој тврди дека спроведувањето на мобилизацијата се планира истовремено со воведувањето на вонредна состојба. Тој, исто така, предупреди дека воената состојба треба да се прошири или на цела Русија или на значителен дел од нејзината територија, вклучувајќи ги и главните руски градови Москва и Санкт Петербург.

Ова се случува во време кога руските затвореници се принудени да се борат и во Украина, а властите им се закануваат со подолги казни и тепање доколку одбијат, пренесува The Mirror.

Имено, вкупната затворска популација во Русија за само два месеци паднала за 23.000, а Путин се обидува да испрати што повеќе од нив на фронтот. Во борбите во Украина загинаа околу 500 затвореници, а официјалното објаснување на Кремљ е дека тие „доброволно“ се пријавиле во замена за слобода по војната.

Изворите велат, според информациите собрани врз основа на кажаното од роднините, дека е невозможно да се одбие, бидејќи „доколку затворениците го сторат тоа, може да исчезнат“. Во секој случај, се чини дека нова мобилизација е многу веројатна веќе во јануари, имајќи предвид дека ситуацијата на украинските боишта не оди во насока како што очекува Кремљ.