Проданоски: Граѓаните на Прилеп активно учествуваат во креирањето на буџетот за 2026 година

Вечерва во Прилеп беше одржана првата средба од циклусот консултации во рамките на процесот за креирање на Буџетот на Општина Прилеп за 2026 година. На средбата активно учествуваа голем број сограѓани и претставници од урбаните и месните заедници, кои ги изнесоа своите предлози, идеи и приоритети.

Градоначалникот Дејан Проданоски истакна дека конструктивната дискусија уште еднаш ја потврди важноста на отворениот и транспарентен процес, преку кој заедно можат да се обликуваат вистинските насоки за развој на општината.

Следната средба е закажана за понеделник, кога фокусот ќе биде ставен на реалниот сектор, стопанствениците, претставниците од невладиниот сектор и останатите релевантни централни институции.

„Ви благодарам на довербата и на активната вклученост. Заедно креираме буџет за сите“, порача Проданоски.