ПАТРОН ПРАЗНИК НА ОСНОВНОТО УЧИЛИШТЕ „КРСТЕ ПЕТКОВ МИСИРКОВ“

Со низа свечени активности денеска беше одбележан патрониот празник на општинското основно училиште „Крсте Петков Мисирков“ од Бистрица, по повод 151 година од раѓањето на кодификаторот на современиот македонски литературен јазик.

Градоначалникот на Општина Битола, Тони Коњановски, директорката на училиштето, Татјана Апостоловска Ѓорѓиевска и претставници од наставниот кадар, утринава положија свежо цвеќе пред споменикот на Крсте Петков Мисирков во градскиот парк кај Саат кулата – монумент подигнат во чест на неговиот придонес за македонскиот јазик и култура.

Одбележувањето продолжи во централното училиште во селото Бистрица, како и во сите 13 подрачни училишта во населените места кои гравитираат околу селото Бистрица.