Февруари носи силен зимски бран – ветер, студ и снежни наноси низ Макдонија

ЗИМСКИ УДАР И ФЕВРУАР СТИГНАА ПРЕКУ НОЌ! Никаде не тргнувајте без опрема – еве какво е времето денес, не е наивно!

Овој временски систем е последица на многу силен циклон.

Синоќа времето беше облачно и студено, на некои места со слаб дожд, а еве какво време се очекува денес.

Во текот на денешниот ден ќе дува засилен источен и југоисточен ветер на планините се очекуваат и бурни налети на ветер до околу 80 км/ч.

Во пределите со снег, силниот ветер ќе предизвикува снежни наноси, вејавица и метеж.

Максималната температура денес ќе се движи од 0 до 4°C, во Скопје до 2°C. Поради силниот ветер, чувството на студ ќе биде уште поизразено, односно ќе изгледа како температурите да се пониски од измерените.

Се препорачува да не се тргнува без зимска опрема и да се внимава особено на патиштата, посебно кон јужните и источните делови на земјата.

Потребно е редовно да се следат известувањата од надлежните служби и да се постапува според нивните предупредувања.

Во понеделник се очекува ладен ден со температури главно под 0°C.

Од вторник следува значително потопло време.