Тоневски: Нов пат кон Пониква ќе го олесни пристапот и ќе ја зголеми посетеноста
Тони Тоневски, кандидат за градоначалник на општина Пробиштип, најави нови инфраструктурни и образовни проекти кои ќе го подобрат квалитетот на животот во општината.
Еден од клучните проекти е изградбата на нов пат кон зимскиот туристички центар Пониква, што ќе овозможи полесен и побрз пристап, без потреба од кружење и поминување низ соседните општини. Со намалено растојание, се очекува зголемена посетеност и развој на регионот.
Покрај патната инфраструктура, Тоневски најави и ново детско одмаралиште за учениците, кое ќе овозможи нови дружби и незаборавни моменти за младите.
„Пробиштип се сака со проекти, со дела! Со овие иницијативи градиме современа и функционална општина за сите граѓани“, истакна Тоневски.
Кандидатот ги повика граѓаните да го поддржат со број 9 на изборите, за, како што рече, „тебе, твоето место и твојата иднина“.