Современа клучка кај Хиподром – приоритетен проект на Ѓорѓиевски за Скопје
Кандидатот за градоначалник на град Скопје, Орце Ѓорѓиевски, најави изградба на нова сообраќајна клучка кај Хиподром, со која ќе се подобри протокот на возила и ќе се намалат метежите на источниот влез во главниот град.
„Ова е проект што директно ќе влијае на секојдневниот живот на скопјани. Новата клучка ќе овозможи побрз и побезбеден сообраќај, а со тоа и поквалитетен градски транспорт и подобро поврзување со околните општини“, изјави Ѓорѓиевски.
Според него, решението е дел од пошироката визија за модерна и функционална сообраќајна мрежа во Скопје, со акцент на одржливи и долгорочни инфраструктурни решенија.
Проектот, како што најави, ќе биде реализиран во фази и ќе вклучува современи решенија за пешаци, велосипедисти и јавен превоз, со цел да се намали загадувањето и времето на патување.