Едноставни утрински навики со кои денот ќе ви започне убаво и позитивно

Како да го започнете денот без стрес: Утрински навики што прават разлика

Начинот на кој ќе го започнете денот може значително да влијае на вашето расположение, енергија и продуктивност. Наместо да го одложувате алармот и да се излежувате уште пет минути, воведете мали, но ефективни навики кои ќе ви помогнат да се разбудите смирено и да го започнете денот со самодоверба.

Станете веднаш по првиот аларм

Иако искушението е големо да притиснете „одложи“, будењето на првиот звук од алармот може да донесе бројни придобивки. Истегнете го телото, исправете се и започнете го денот со позитивна енергија. Според психологот од Харвард, д-р Ејми Кади, луѓето кои се будат со раширени раце во форма на буквата „V“ се почувствителни на среќа и оптимизам, во споредба со оние кои остануваат во фетална положба – која е поврзана со повисоко ниво на стрес.

Организирајте ги клучните работи однапред

Еден од најчестите извори на утрински стрес е губење време во потрага по ситници. Професионалната организаторка Вики Силвертхорн советува: чувајте ги клучевите, телефонот, паричникот и другите секојдневни потреби секогаш на исто место, најдобро во близина на влезната врата. Со тоа, избегнувате паника и создавате рутина која го олеснува заминувањето од дома.

Избегнувајте го телефонот веднаш по будењето

Во првите неколку минути по будењето, многумина инстинктивно посегнуваат по мобилниот телефон. Но, Силвертхорн препорачува најмалку пет минути дигитална пауза. Наместо тоа, истегнете се, станете полека, подгответе шолја чај или кафе и одвојте неколку моменти само за себе. Овој тивок почеток ќе ви помогне да го поставите тонот на денот и да го започнете без бучава и нарушувања.