ВМРО-ДПМНЕ со добро познати адути во Полошко: Јовица Илиевски и Димитар Костадиновски во трка за Брвеница и Јегуновце

На вечерашната седница на Извршниот комитет на ВМРО-ДПМНЕ, партијата ги соопшти своите кандидати за градоначалници за претстојните локални избори, при што за општините Брвеница и Јегуновце беа избрани Јовица Илиевски и Димитар Костадиновски.

Според генералниот секретар на партијата Ѓорѓија Сајкоски, овие кандидати добиле највисока поддршка од граѓаните во спроведените анкети и уживаат силна доверба во своите општини.

„Сите кандидати кои ги предложивме го поминаа тестот на граѓаните. Се работи за луѓе со интегритет, енергија и јасна визија за развој на своите средини,“ изјави Сајкоски, нагласувајќи дека Јовица Илиевски и Димитар Костадиновски се подготвени да ја донесат новата динамика во управувањето со општините Брвеница и Јегуновце.

Илиевски и Костадиновски ќе бидат дел од пошироката стратегија на ВМРО-ДПМНЕ, партијата уверува дека тие ќе понудат конкретни решенија за локалните предизвици и подобрување на квалитетот на животот.

Партијата сè уште не го соопшти својот кандидат за Град Скопје, но најави дека ќе биде избрана најсоодветната личност за таа позиција.