Високи претставници на Трамп во контакт со Зеленски – обид да се вратат преговорите на „правилен пат“

По дипломатскиот скандал во Белата куќа за време на средбата меѓу Зеленски и Трамп, високи претставници на Белата куќа воспоставиле контакти со Киев, обидувајќи се да ги насочат преговорите во „правилна“ насока.

Според извештајот на Со-ен-ен од вечерта на 5 март, официјални лица од Белата куќа контактирале со претседателот на Украина, Зеленски, обидувајќи се да го убедат да ги подобри односите со Доналд Трамп. Тие сметаат дека тоа треба да се случи пред говорот на американскиот претседател пред Конгресот, кој е закажан за утринските часови, денес, на 5 март.

Според Си-ен-ен, целта на овие контакти е да се врати договорот за ретки ресурси во „правилна насока“.

„Официјални лица на Трамп ја истакнаа важноста од што побрзо стабилизирање на односите со Белата куќа и ги повикаа Украинците да се вратат на преговарачката маса пред говорот на претседателот во Конгресот“, се вели во извештајот.

Извори од Белата куќа наведуваат и дека дискусиите за обновување на преговорите околу договорот за украинските минерални ресурси „се движат во правилна насока“.

Со-ен-ен посочува дека Трамп би можел да ја искористи својата изјава пред Конгресот за да прогласи „победа“ во постигнувањето на договор за ретките минерали.

Претходно, агенцијата Ројтерс објави дека извори од Белата куќа тврдат дека Трамп ќе ги претстави своите успеси во договорот за украинските ретки минерали за време на својот говор во Конгресот на 5 март. Тројца анонимни извори од Белата куќа споделиле информации за можни договори.

На 4 март беше објавено дека Доналд Трамп ќе одржи говор со наслов „Обнова на американскиот сон“. Една од главните теми што ќе ја допре американскиот претседател ќе биде „постигнувањето мир во светот“.