Општина Битола објави јавен повик за поддршка на културно-уметничките друштва

Општина Битола ја продолжува својата заложба за зачувување и промоција на традицијата и културното наследство преку финансиска поддршка за културно-уметничките друштва (КУД) во рамките на Програмата за култура за 2025 година.

Целта на овој повик е афирмација на фолклорот, негово збогатување и пренесување на традиционалните вредности на помладите генерации, како и промоција на Општината преку културни настани и активности.

Општина Битола за оваа намена има предвидено вкупен буџет од 1.450.000 денари, а финансираните активности треба да се реализираат до 31 декември 2025 година.

Јавниот повик е отворен за сите културно-уметнички друштва со седиште во Општина Битола, кои се посветени на афирмација и развој на фолклорната традиција.

📅 Рок за пријавување: 24 февруари – 5 март 2025 година (до 15:30 часот)

🔗 Детали за повикот и потребната документација: линк

Со оваа иницијатива, Општина Битола продолжува да ја поддржува и негува културната традиција, создавајќи можности за уште поголема афирмација на локалното културно наследство.