Ганиу: Големи инфраструктурни инвестиции за модерен и зелен Чаир

Градоначалникот на Општина Чаир, Висар Ганиу, на средба со жителите на Старо Чаир ги презентираше инфраструктурните проекти што ќе се реализираат оваа година за подобрување на условите за живот во оваа општина.

Проектите се целосно подготвени со техничка документација и градежни дозволи, а нивната вкупна вредност изнесува 28,6 милиони денари (465.240 евра), финансирани од Владата преку програмата „250 милиони евра за општините“.

Главни проекти:

• Реконструкција на улицата „Парашкеви Кирјази“ (354,26 м)

• Реконструкција на улицата „Дервиш Хима“ и споредните улици (687,77 м)

• Реконструкција на улицата „Емин Дураку“ и паркингот (383,12 м)

• Реконструкција на улицата „Струмичка“ и споредните улици (523,51 м)

Дополнително, општината ќе инвестира во реконструкција на Паркот на Чаир, изградба на пешачки патеки и детски игралишта од сопствениот буџет.

Ганиу истакна дека реконструкцијата на спортската сала „Партизан“ веќе е во тек, а ќе продолжат и работите на фудбалското игралиште на стадионот во Чаир за подобрување на спортската инфраструктура.

„Овие проекти претставуваат значаен чекор кон посигурен, модерен и зелен Чаир за сите жители“, порача Ганиу.