Коњановски: Со заеднички сили за посветла иднина на Битола во 2025 година

Почитувани граѓани, драги битолчани,

На прагот на Новата 2025 година, градоначалникот на општина Битола, Тони Коњановски, упати порака полна со оптимизам, љубов и визија за иднината на градот. Тој истакна дека големите промени започнуваат од малите нешта, направени со искрена посветеност и заеднички труд.

Во своето обраќање, Коњановски ги истакна приоритетите на општината – најмладите, образованието, спортот, културата и инфраструктурата, како и напорите Битола да стане привлечна дестинација за кариера и бизнис. Во изминатата година, општината постигна значајни резултати, вложувајќи во нови спортски игралишта, подобрување на условите во училиштата и градење партнерства со младите.

„Со нови идеи, планови и енергија, продолжуваме да ја градиме Битола како инклузивна и поддржувачка заедница во која секој може да напредува,“ порача градоначалникот.

Тој ги повика граѓаните заедно да ја продолжат приказната за прогрес и заедништво, внесувајќи убавина и промени со меѓусебно почитување и разбирање.

„Нека празничната радост внесе топлина во вашите домови, а Новата година нека биде исполнета со здравје, среќа и љубов за сите нас. Среќна Нова година и весели Божиќни празници!“ заврши Коњановски.