Ќе има невреме во Македонија со обилен дожд и грмежи – еве во кои делови

Времето денес, Дали Знаете, Македонија

Територијата на Македонија денес (понеделник 16 ноември) ќе биде зафатена од нов бран на врнежи од дожд од запад. Најпрвин врнежите ќе започнат во западните предели а потоа попланде и вечерта ќе се прошират и во останатите предели од Македонија. Најобилни врнежите ќе бидат во западните предели каде локално ќе наврнат до околу или над 20 литри на метар квадратен воден талог. Ќе има услови и за појава на грмежи.

Ќе дува умерен, повремено засилен ветер од јужен и од југозападен правец кој во западните предели повремено ќе биде силен и ќе достигнува брзина до околу или над 60 км/час. Ваквите атмосферски процеси во западните предели од Македонија може да бидат застапени и во вид на невреме.

И во Скопје и околината исто така денес (понеделник 16 ноември) ќе има повремени врнежи од дожд но со послаб интензитет, а ќе дува и умерен, повремено засилен ветер од јужен и од југоисточен правец.

Максималните дневни температури на воздухот денес во Македонија ќе се искачуваат во интервалот од 12 до 17 степени, а во Скопје и околината температурата денес ќе се искачи до околу 14 степени.