Општина Битола отвора можност за работа преку програма за заштита од пожари и пошумување
Општина Битола, во соработка со Агенцијата за вработување, објави јавен повик за работно ангажирање на 30 невработени лица евидентирани во АВРМ. Повикот се однесува на вклучување во мерката 6.2 – Јавни работи за заштита и превенција од пожари и оплеменување на животната средина (пошумување) на локално ниво.
Целта на мерката е зголемување на вработливоста и активно вклучување на граѓаните во заштита на природата и спречување на пожари, преку ангажман во траење од најмногу пет месеци. За избраните кандидати е предвидена месечна надомест од 24.000 денари, со вклучени придонеси за осигурување од повреди на работа и професионални болести, како и данок на личен доход. Финансиските средства се обезбедени од Буџетот на АВРСМ, преку потсметката за активни програми и мерки.
Сите заинтересирани лица кои ги исполнуваат условите може да се пријават во Центарот за вработување Битола, а повеќе информации се достапни на официјалната веб-страница на општината: