Божиновска: Енергетската транзиција е наш приоритет

Министерската за енергетика, рударство и минерални суровини, Сања Божиновска, оствари средба со директорот на Енергетската заедница, Артур Лорковски, на која беше потврдена посветеноста на Македонија кон усогласување со европските енергетски стандарди.

Фокусот на разговорите беше интеграцијата на македонскиот енергетски сектор во регионалните и европските текови, со цел создавање стабилен и предвидлив пазар. Според Божиновска, ова ќе донесе сигурност за инвеститорите и подобри услови за граѓаните.

„Нашата соработка со Енергетската заедница е клучна за спроведување на реформите што ќе го забрзаат процесот на енергетска транзиција и ќе овозможат одржлив развој на секторот. Ова е патот кон стабилност и развој на македонската енергетска индустрија,“ истакна таа.

Поддршката од Енергетската заедница во реформските процеси е значајна, а со ваквите партнерства Македонија прави важни чекори кон зелена и одржлива енергетска иднина.